|
  
|
當然會有口痕友話，X，你作嘢，賈寶玉男女都啱。咁你哋有所不知，寶二爺鍾意嘅都係樣子女人到唔恨嘅男人，例如秦鐘，所以我覺得佢都係鍾意靚女多D。言歸正傳，如果我係靚女，當然會借呢個身份，識番三五七個紅顏知己，我依家唔夠薑去買女人嘢送俾自己條女，到我做咗女人，梗係買餐飽啦。
做咗女人，首先我會去豐胸，依家D胸肌唔係幾夠厚，街上班女就成日眼望望，頂，望咩Q，未見過男人平胸咩？我係練極都唔大隻，依家好啦，打支針，整吓型，補充吓D女性賀爾蒙，轉頭我就可以抬起頭來做人，幾好呀。
仲有，我依家個老頂，佢真係煩到嘔，每次打電話去告病假，佢都要問：「你今次又咩病呀？」你老祖，我頭暈身熱情緒低落得唔得呀，以後好啦，條友再問，我就答佢：「我大姨媽嚟咗，駛唔駛我介紹過你識呀？」
老實講，依家實在受得太多麻甩佬氣，做咗靚女，我會去引誘佢地，到咗佢地神暈顛倒嘅時候，就一腳伸佢地走，玩弄男人應該好有快感，哈哈。
但我對女人一定會好認真，做男人嘅時候，我係一個痴心漢，做咗靚女，我都會係一個用情專一全情投入嘅靚女。各位靚女，天地為鑑，小弟，唔係，小妹，係唔會辜負各位姊妹，請留低電話號碼，我會聯絡大家。
Teddy妹
|
哈哈, 假如讓我變到好似湯告魯斯, 碧咸咁靚仔就發達lu; 我可以試下追女仔, 實贏曬兼左擁右抱, (因為知道女仔心理ma), 又唔駛驚俾人話花心(嘻嘻); 不過, 唔知會唔會俾其他男生杯葛呢? |
|
|
哈哈﹗受咗乜刺激？(雖然我話要伸你入垃圾桶) 竟然想變……靚女？ 呢排天口慶，大家冷靜啲好。 |
|
meow皇 : 嘩，高見高見，笑得小妹合不攏嘴，你簡直把女生的成長苦況說得淋漓盡致，聲淚俱下，尤其是那透人犯罪一項，一定深得曾受此苦的姊妹們同感，那我要不要開始提防一下那些歪嘴斜眼想食天鵝肉的人？ |
|
欣 : 你做靚女咪好唔得閒? 而家豐胸仲用打針食藥呢D搵命博的方法咩, 梗係用D裝胸架勢的安全方法嘛!我都想每個月以生理理由告病假, 但可惜一定唔批, 因為我上司係女人O聽講靚仔無本心, 靚女眼角高, 咁你係...... 裝胸架勢？安唔安全架，聽過有靚女明星出過事喎，唉，生理理由告病假，梗係唔可以次次係咁啦，但點都會體諒一些掛？ 靚仔無本心，靚女眼角高？介紹你一首英詩（據說修英國文學者必讀）Go and catch a falling star，想找一個又靚女／靚仔，又專一的人，無異於go and catch a falling star。 |
|
(按此留言)
